Berbalaguna
BERBALAGUNA euskara praktikatzeko egitasmoa da. Euskaldunok, ikasten ari garenok eta nola edo hala moldatzen garenok, euskaraz hitz egiteko aukerak izateko guneak sortzea, eta bide batez euskararen normalizazio prozesuan eragitea da helburu nagusia.
Bilboko euskaldunak harremanetan jartzea nahi dugu. Euskaldunon mundua ikusgarri egin, eta hiztun berriak mundu euskaldun horretan partaide izatea erraztu.
Norentzat da BERBALAGUNA?
Euskara ikaslearentzat: Euskaltegian bazaude edo egon bazara, baina ez baduzu norekin hitz egin, hemen duzu aukera.
Euskaraz moldatu bai, baina lasai hitz egiteko konfiantzazko guneak behar dituenarentzat: Norekin hitz egin ez edo apur bat herdoilduta baduzu euskara, zuretzat ere badago lekua Berbalagunean.
Euskaldunarentzat: bidelaguna edo laguntzailea deituko duguna. Euskaraz bizi bazara baina euskararen aldeko boluntarioa izan nahi baduzu edo gehienetan gazteleraz egin arren, euskaraz gehiagotan egin gura baduzu, hemen duzu aukera.
Zer eskaintzen du BERBALAGUNAk?
Berbalaguna taldeak: Adina, zaletasunak eta aukerak kontuan hartuta talde txikiak osatzen ditugu. Euskaraz hitz egiteko konpromisoa hartuta, taldekideen artean erabakitzen dute noiz, non eta zertarako bildu. Talde guztietan euskaldun osoa den laguntzaile edo bidelaguna egoten da proiektuaren dinamizatzailearekin koordinatu eta harremanetan egoteko.
Euskararen Agenda: Ikastaroak, txangoak, kultur ikuskizunak, kontzertuak, antzerkia, errezitaldiak, bertso saioak, diaporamak, eztabaida foroak, hitzaldiak, erakusketak...
Egun hiru proiektu dira Bilbon:
Mahatserrian, Deustuan eta Bilboko Erdialdean. Hala ere, Bilboko edozein auzotakoa izanda ere, aukera duzu berbalaguna izateko eta horretarako hemen dituzu informazio eta harremanetarako guneak:
Mahatserrian
(Santutxu, Begoña, Bolueta, Matiko, Txurdinaga, Otxarkoaga)
Mahatserriko Berbalaguna: Asapala Euskara Elkartea (Iturriaga 55, behea-esk)
Deustun: Deustualdeko Berbalaguna (Ramon y Cajal 42, behea)
Bilboko erdialdean (Bilboko AEK-ko edozein euskaltegitan)
© 2009 - Bilboko Udala / Ayuntamiento de Bilbao / Bilbao Council
iametza interaktiboak garatuta
CSS | XHTML | WAI-A
