30 ikuskizun baino gehiagok osatzen dute Ikusi eta Ikasi programaren aurtengo edizioa
2010-01-12
30 ikuskizun baino gehiagok osatzen dute Ikusi eta Ikasiren aurtengo edizioa. Bilboko Udaleko Euskara Sailak martxan jarri du Ikusi eta Ikasi umeentzako euskara hutsezko ekitaldi programaren seigarren ekitaldia. Ekimen honek aisia, kultura eta heziketa uztartzen ditu. Ekitaldi honetan, 3 eta 12 urte tarteko umeei egokitutako ikuskizun interesgarriak antolatu dira (antzerkia, ipuin kontalariak, txotxongiloak, magia, pailazoak, etab.). Emanaldiak Begoñako eta Deustuko Udaltegietan eta Errekaldeberri, Tiboli, Zamakola eta Zurbarango Ikastetxeetan egingo dira, urtarrilaren 12tik martxoaren 13ra bitartean.
Bestalde, bi gune berri ditugu aurtengo zirkuitoan: El Karmen Aretoa eta San Frantziskoko Udaltegia.
Ikusi eta Ikasi Euskara Sailak Topagunea-Euskara Elkarteko Federazioaren laguntzarekin eta BBK eta Bizkaiko Foru Aldundiak babesle moduan, antolatzen duen ekimen egonkorra da. Kultur zirkuituaren helburu nagusia da Bilboko haurren artean euskararen erabilera sustatzea haien aisialdian. Halaber, Ikusi eta Ikasi-k haurren artean bidezko heziketa, parte hartzea eta sormena bultzatzea bilatzen du.
Bigarren urtez, gurasoei zuzendutako sentiberatze hitzaldiak eta tailerrak garatuko dira seme-alaben hizkuntz ohituretan eragitera eta umeei eskolako lanetan gurasoek zelan lagundu aztertzera bideratuta. Pasa den urtean tailer hauetan parte hartu zuten 260 gurasoek ekimen honen arrakasta bermatzen dute.
Bestalde, Antton Irustak gurasoei zuzendutako ipuin kontaketa tailerra eskainiko du. Bertan, ipuinen eta ahozko adierazpenaren balore hezitzaileak aurkeztuko dira.
Parte hartzea errazteko hitzaldiak haurrentzako ikuskizunak gauzatuko diren udaltegi eta ordutegi berean egingo dira.
Hitzaldiak:
Edizio honetako beste berrikuntza bat "Jolasen Txokoa" da. Ekimena haur eta gurasoei zuzenduriko erakusketa dinamiko bat da. Bertan, euskarazko mahai-joko, jostailu, ipuin, DVD eta joko elektrikoak erakusgai egongo dira. Adituak diren dinamizatzaileen eskutik parte hartzaileek joko hauekin gozatzeko hainbat aukera erraz eta dibertigarri ezagutuko dituzte.
Ekimena hurrengo egunetan izango da:
Lehen edizioaz geroztik, partaidetzari dagokion kopurua etengabe hazten joan da. Lehen edizioan, 1.031 haur eta gaztetxo hurreratu ziren Ikusi eta ikasi-ren baitan antolatutako ekitaldietara; 2006an, 3.962; 2007an, 7.895; 2008an, 10.950 eta 2009an, 10.960.
Bilboko Udaleko Kultura eta Hezkuntza Sailak antolatuta "Dantza plazetan" izeneko ekimena gauzatzen da hilero Bilboko hainbat plazetan.
© 2009 - Bilboko Udala / Ayuntamiento de Bilbao / Bilbao Council
iametza interaktiboak garatuta
CSS | XHTML | WAI-A
