• Egitasmoak » 
• Seme-alabekin euskaraz

Seme-alabekin euskaraz

Azalpena: Kanpaina honekin gurasoak euskara ikastera animatu nahi ditugu. Gurasoak sentiberatu nahi dira hizkuntza geroratzearen garrantziaz; familia arteko harremanetan euskara erabiltzea, irakaskuntzan euskarazko ereduetan matrikulatzea, aisialdian euskarazko jolasak, abestiak eta ipuinak erabiltzea,... Oso garrantzitsua da hizkuntza batean murgiltzeko ahalik eta pizgarri edo estimulurik gehien izatea txiki-txikitatik.

Eta, jakina, umearen lehenengo eredua eta erreferentea gurasoak dira; horregatik, oso garrantzitsua da umeei hasiera-hasieratik euskaraz berba egitea, gerora andra-gizon elebidunak izan daitezen. Arlo horretan gurasoen papera ezinbestekoa da umeengan euskara erabiltzeko ohitura finkatzeko.

Bai aita, bai ama, biak dira garrantzitsuak helburu hau lortzeko; horregatik, aita guztiak animatu nahi ditugu euskara ikastera, gehienetan amak direlako euskaltegiko bidea hartzen dutenak.

Hartzaileak: 1-2 urteko umeen gurasoei zuzenduta dago.

Data: abuztuaren amaiera

Argibideak:

• Bilboko 1-2 urteko umeen etxeetara eskuorria bidaltzen zaie gurasoei...
  - umeekin txiki-txikitatik euskaraz egiteak zein onurak dakartzan jakinarazteko.
  - euskararik ez badakite edo beraien maila hobetu nahi badute, euskara ikasteko diru-laguntzen  berri emateko.
  - dirulaguntza eskatzeko epea eta lekua.
   
• Urtero-urtero 6.000 gutun inguru bidaltzen dira.
   
• Eskuorria (Pdf - 191 KB)

 

• atzera