• Zer behar? » 
• Euskara ikasi » 
• Euskaltegiak

Euskaltegiak

url: ikusi

Azalpena

Bilbon 17 euskaltegi daude.

Euskaltegiak euskera irakasteko ikastegi ofizialak dira. Bilboko euskaltegi guztiak pribatuak dira.

Bilboko euskaltegi guztiak HABEk homologatuta daude; horrek esan nahi du edozein euskaltegitan emango dizuten ikastaroa HABEren sisteman sartuta dagoela.

Euskaltegien artetik batzuk federatuta daude (AEK, ELKARLAN, BAI & BY); eta badago ordenagailu bidezko autoikaskuntza eskaintzen duenik ere (BAI & BY Bilbao, Mondragon Lingua...).

Mailaketa

Euskalduntze-alfabetatze prozesua lau mailatan banatuta dago:

• Lehenengo maila edo oinarrizkoa. Ikaslea, maila hau menderatzean, gauza izango da ohiko elkarrizketak –lagunartekoak– euskaraz egiteko. Testu motzak irakurri eta ulertzeko eta zailtasun handirik gabeko testuak idatzi ere egingo ditu.
• Bigarren mailan, lehenengoan ikasitakoa indartzeaz gain, ikasleak barneratu egingo ditu lortutako gaitasun eta ezagutzak eta euskaraz ekoizten hasiko da. Askatasunez ibiliko da hizkuntz testuinguru zabalagotan, ahoz zein idatziz.
• Hirugarren mailan ikaslea normal arituko da solasaldi orokorretan eta zuzen eta jariotasunez komunikatzeko gai izango da. Ez du eragozpenik izango entsegu, eleberri, ipuin eta beste literatur motei heltzeko; era berean, gutunak, artikuluak eta testu arruntak idazteko gai izango da.
• Laugarren mailak euskara tekniko eta zientifikoaren eskakizunak beteko ditu. Maila honek ikaslea gai egingo du teknikaren eta zientziaren testuingurutan euskaraz aritzeko. Era berean, maila jasoko testu idatziak normal ulertzeko gaituko du eta hizkuntz maila formal eta informalak jaioki menderatuko ditu. Idatzizkoan, berriz, inolako eragozpenik gabe helduko dio edozein idazki-motari.

Hartzaileak:

16 urtetik gorakoak.

Ziurtagiria

Maila bakoitza amaitzean, maila egiaztatzeko ziurtagiria lortu ahal izango dute euskaltegiren batean matrikulatuta egon eta beren-beregi horretarako egindako azterketa gainditzen dutenek.

Diru-laguntzak

HABEk zenbait baldintza betetzen dituzten ikasleei diru-laguntza ematen die; horrez gain, Bilboko Udalak ere diru-laguntzak ematen dizkie baldintzak betetzen dituzten ume txikien gurasoei eta oinarrizko errenta jasotzen dutenei.

• HABEren diru-laguntza
• Bilboko Udalaren diru-laguntza - Euskara ikasteko diru-laguntza gurasoentzat (HABEren diru-laguntza eta Bilboko Udalak gurasoei ematen dien diru-laguntza bateragarriak dira).
• Ikusi ziurtagirien arteko baliokidetasunak

• Inprimatu
• Lagun bati bidali

• atzera