• Zuretzat » 
• Heldua » 
• Albisteak » 
• AlhóndigaBilbaok "Bideoak Bertso Bide" ikuskizuna antolatu du, bertsolarien saio esperimentala

AlhóndigaBilbaok "Bideoak Bertso Bide" ikuskizuna antolatu du, bertsolarien saio esperimentala

2012-01-30

AlhóndigaBilbaok bertsolarien saio esperimental hau antolatu du arte bizien programaren barruan. Bertsolariak eta irudia batuko dituen “Bideoak Bertso Bide” ikuskizuna otsailaren 2an izango da AlhóndigaBilbaoko Bastida aretoan 20:00etan. Esan behar da aretoaren edukiera mugatua dela eta sarrera 6€ izango direla hó txartela dutenentzat eta 8€ gainontzeko guztientzat. Hona hemen bertsolarien saio esperimental honetako nondik norakoak: “Sarri, hitzen esanahiak, ez dute esan nahi dugunerako balio. Hiztegiek, ez dute nahi dugun hori esateko behar beste hitz. Emanaldi honetan, gaiak ez ditugu hitzez emango. Gaiak, propio sortutako bideo batzuen bidez emango ditugu. Bideoak, bertsotarako bidea emango dute! Alhondigan, Bilbon sortuko ditugu bideoak/gaiak, eta eurak izango dira bertsotarako gai, bertsoak sortzeko bide. Bideoak, gaiak... alegia, bideak, Asier Altuna zine zuzendari eta Unai Elizasu gai-jartzaileek sortuko dituzte”.

 

Informazio gehiago: 944 014 014

Kartela

• inprimatu
• lagun bati bidali
• erantzun (0)
• buletina

• atzera